Մեր նորությունները
Սևակ Մելիքյան, Հայոց պատմություն. 9-րդ դասարանի ավարտական քննության ուղեցույց և թեստերի ժողովածու, 2009:
Արդեն մի քանի տարի է, ինչ Հայաստանի Հանրապետության կրթական համակարգում իրականացվում են լայնամասշտաբ բարեփոխումներ: Դրանց շրջանակում բարեփոխվում են ինչպես միասնական, այնպես էլ պետական ավարտական քննությունների կազմակերպման ու անցկացման աշխատանքները: Սույն ժողովածուն նպատակ ունի լուսաբանել հանրակրթական դպրոցի 9-րդ դասարանում պետական ավարտական քննության անցկացման կարգը: Այն ներառում է ավարտական քննության ուղեցույցը, թեստերի կառուցվածքը, միավորների բաշխումը, գնահատման մեխանիզմները, հանձնարարվող գրականությունը, քննվող նյութի բաժինները, 2008-2009 ուստարվա ավարտական քննությունների, ինչպես նաև ՀՀ հանրակրթական դպրոցներում նախնական փորձարկում անցած հինգ թեստերն ու դրանց պատասխանները: